Casharada Cilmiga Carrada
pH waa cabbirka sheega in carradu tahay Dhanaan (Acidic) ama Qaraar (Alkaline). Waa "Halbeegga" caafimaadka carrada. Haddii pH-ku xumaado, bacriminta aad iibsatay geedku ma qaadan karo.
Miisaanka pH-ku wuxuu ka bilowdaa 0 ilaa 14.
Sida Liin dhanaanta. Dhulkan waxaa laga helaa meelaha roobku ku badan yahay ama kaymaha.
Dhibaatada: Aluminium iyo Manganese ayaa sun noqda. Calcium ayaa yaraata.
Sida Saabuunta ama Nuuradda. Dhulka Soomaaliya badankiisu waa noocan (Limestone).
Dhibaatada: Birta (Iron), Zinc, iyo Phosphorus way xirtaan (Lockout).
Haddii aad leedahay dhul pH-kiisu sarreeyo (8.0+), maxaa dhacaya?
Xitaa haddii aad ku shubto bacrimin qaali ah (sida Iron ama Zinc), haddii pH-ku sarreeyo, nafaqadaasi waxay noqonaysaa "Dhagax" ciidda dhexdeeda ah. Geedku ma nuugi karo.
Marka pH-ku dhaafo 7.5, kuwan ayaa ugu horreeya ee la waayo:
Dhulkeenu badanaa waa Alkaline (pH 7.5 - 8.5) sababtoo ah waxaa ku badan dhagaxa nuuradda (Calcium Carbonate).
Digada dabiiciga ah waa "Buffer". Waxay dejisaa pH-ka sare, waxayna nafaqooyinka ka dhigtaa kuwo furan.
Ficil: Sanad walba ku dar digada xoolaha (Manure) oo badan.
Baaruudda beeraha (Agricultural Sulphur) markii dhulka lagu daro, waxay hoos u dhigtaa pH-ka (Acidifying effect).
Ficil: Ku dar qiyaas yar (ku xiran baaritaanka carrada) sanadkii hal mar.
Haddii dhulku yahay cusbo (Saline-Sodic) oo pH sarreeyo, Jibsinku wuxuu dhaqaa Sodium-ka, taas oo caawisa in pH-ku soo dego.
Maadaama dhulku xirayo Birta iyo Sinkiga, ha ku shubin ciidda. Toos ugu buufi caleenta (Foliar Spray) si aad u xaliso dhibaatada pH-ka.
Ma ogaan kartid adigoo iska fiirinaya ama dhadhaminaya ciidda.
| Qalabka | Sida uu u shaqeeyo | Qiimaha |
|---|---|---|
| pH Meter (Qalin) | Waa qalab elektaroonik ah oo ciidda la galiyo. Wuxuu ku siinayaa lambarka toos. | Waa dhexdhexaad ($15 - $50) |
| Warqadaha (Litmus Paper) | Ciidda waxaa lagu qasaa biyo saafi ah, warqadda ayaa la dhex galiyaa. Midabka ayaa is beddela. | Waa raqiis ($5) |
| Shaybaarka (Lab) | Muunad ayaad u diraysaa shaybaar. Waa kan ugu saxan (Accurate). | Waa qaali. |
Dalagyada badankooda (Yaanyada, Basasha, Galleyda, Qaraha) waxay jecel yihiin pH u dhexeeya:
Kani waa "Sweet Spot"-ka nafaqada oo dhan furan tahay.
Hagaaji pH-kaaga, si aad u hagaajiso beertaada.
www.elmi24.com