HAGAHA ACETAMIPRID 20% SP

Sunta Cayayaanka ee Neonicotinoid (Systemic)

🧪 Waa maxay Acetamiprid?

Acetamiprid waa sun ka tirsan kooxda Neonicotinoids. Waxay u shaqaysaa habka Systemic-ga ah. Waxa aad loogu isticmaalaa la dagaallanka cayayaanka dhuuqa dheecaanka ee keena cudurada fayraska ah.

1. Qaabka ay u Shaqayso

Acetamiprid waxay saameyn toos ah ku leedahay nidaamka dareenka (Nervous System) ee cayayaanka.

Waxay la tartantaa Acetylcholine-ka, taas oo keenta in cayayaanku uu lumiyo xakameynta jirka, uuna curyaamo (Paralysis) saacado gudahood.

Awoodda Dhex-galka (Systemic Action):

Maadaama ay tahay systemic, sunta waxay dhex martaa dhamaan qaybaha geedka (xididka ilaa caleenta), xitaa haddii aad hal dhinac kaliya ka buufisay.

2. Cayayaanka lagu Dilo

Acetamiprid waxay aad u dishaa cayayaanka loo yaqaan "Sucking Insects".

Cayayaanka	Faa'iidada Acetamiprid
Whiteflies (Daqsi Cad)	Waxa ay ka joojisaa taranka iyo dhuuqista
Aphids (Kinjir)	Waxay ka hortagtaa gudbinta fayraska
Thrips	Waxay dishaa kuwa ku dhuumaaleysanaya burooyinka
Mealybugs	Waxay dhex gashaa lakabka shamaca ah

3. Qiyaasta iyo Buufinta (Dosage)

Acetamiprid badanaa waxay ku timaadaa qaab budo ah (Soluble Powder - SP).

Qiyaasta loo baahan yahay:

Khudaarta (Tamaandho/Basbaas): 5g - 10g / 20L Biyo ah.
Geedaha Miraha (Liin/Cambo/Moos): 10g - 15g / 20L Biyo ah.
Hektar kasta: 200g - 400g oo lagu qasay biyo ku filan.

⚠️ MUHIIM: Isticmaal biyo nadiif ah oo aan lahayn cusbo badan (pH 5-7).

4. Isku-darka Suntada Kale

Si loo kordhiyo awoodda, Acetamiprid waxaa badanaa lala qasaa sunta kale.

Acetamiprid + Abamectin:

Isku-darkan wuxuu isku mar dilayaa Cayayaanka dhuuqa iyo Caarada (Spider Mites).

Acetamiprid + Lambda-cyhalothrin:

Waxay siinaysaa sunta awood "Knock-down" ah oo ay cayayaanka isla markiiba ku dhacaan.

5. Xilliga Sugitaanka (PHI)

Acetamiprid waxay leedahay xilli sugitaan (PHI) oo gaaban.

Dalagga	PHI (Maalmo)
Tamaandhada & Basbaaska	3 Maalmood
Qare & Xabxab	3 Maalmood
Mooska & Babayga	7 Maalmood
Liinta & Cambaha	14 Maalmood

6. Badbaadada Shinnida (Bees)

Acetamiprid way ka badbaado badan tahay Imidacloprid, laakiin weli waa sun!

Sidee loo ilaaliyaa Shinnida?

Ha buufin xilliga ubax-baxa (Flowering stage).
Buufi galabtii dambe (Late evening) marka shinnidu hoyato.
Ka fogee sunta meelaha biyaha ee shinnidu cabto.

7. Ammaanka Qofka Buufinaya

Waa sun heerka 2-aad ah (Blue/Yellow Label). Iska ilaali neefsashada.

Tallaabooyinka Badbaadada:

Xiro af-xir (Mask), Goggles iyo galoofis.
Ha cunin wax, hana cabbin sigaar inta aad shaqeyneysid.
Iska beddel dharka oo qubayso isla marka aad dhammayso.

8. Maareynta Adkeysiga & Kaydinta

IRAC Group 4A: Ha isticmaalin laba jeer oo xiriir ah si uusan cayayaanku u yeelan adkeysi (Resistance).

Kaydinta:

Ku kaydi meel qalalan, qabow, oo mugdi ah. Ka fogee carruurta iyo raashinka.

DHAMAAD

Beero caafimaad qaba, wax-soosaar barwaaqo ah.

Diyaariye: Elmi24acedamy