HAGAHA COPPER OXYCHLORIDE 50% WP

Gaashaanka Koowaad ee Ka Hortagga Fangaska

🧪 Waa maxay Copper Oxychloride?

Waa sun ka hortag ah (Protective Fungicide) oo ka kooban curiyaha maarta (Copper). Waxay u shaqaysaa habka xiriirka (Contact action), iyadoo dusha geedka ka samaysa lakab difaac ah oo aan u oggolaan dhalashada ama faafidda unugyada fangaska (Spores).

1. Qaabka ay u Shaqayso (Multi-site Action)

Maarta (Copper ions) waxay dhex galaan unugyada fangaska, iyagoo burburiya borotiinnada iyo enzyme-yada.

Waa muhiim in la ogaado: Copper Oxychloride ma aha sun Systemic ah. Waxay dishaa oo kaliya fangaska taabta sunta ee saaran dusha geedka.

Awoodda Bakteeriyada:

Copper Oxychloride waa sunta naadirka ah ee isku mar xakamayn karta fangaska iyo qaar ka mid ah cudurrada Bakteeriyada (Bactericide), sida "Bacterial Canker" iyo "Bacterial Blight".

2. Cudurrada lagu Dagaallamo

Cudurka	Dalagga
Early & Late Blight	Tamaandhada iyo Baradhada
Downy Mildew	Sinnibarta, Canabka, iyo Qajaarka
Anthracnose	Cambaha, Basbaaska, iyo Digirta
Rust	Bunka iyo Dalagyada badarka

3. Qiyaasta Isticmaalka (Dosage)

Copper Oxychloride badanaa waxay ku timaadaa budo (Wettable Powder - WP).

Qiyaasta loo taliyo:

Khudaarta: 40g ilaa 50g oo budada ah ku qas 20 Litir oo biyo ah.
Geedaha Miraha: 50g ilaa 75g halkii 20 Litir oo biyo ah.
Buufinta joogtada ah: Samee 7-dii ilaa 14-kii maalmoodba mar, gaar ahaan xilliga roobka.

⚠️ Digniin: Si fiican u walaaq budada inta aadan ku shubin mashiinka si aysan u xirin dhuunta haanta buufinta.

4. PHI iyo Ammaanka Goosashada

Sababtoo ah waa sun dabiici ah (Mineral-based), PHI-geedu waa mid aad u yar.

Dalagga	PHI (Maalmo)
Tamaandhada	1 ilaa 3 Maalmood
Miraha	7 Maalmood
Digirta	3 Maalmood

Fiiro gaar ah: Mar kasta iska dhaq miraha ka hor inta aanad cunin si looga saaro hadhaaga sunta.

5. Isku-darka iyo Phytotoxicity

Digniin: Copper Oxychloride waa sun "Acidic" ah, taas oo keeni karta gubasho caleenta ah haddii aan si sax ah loo isticmaalin.

Xeerarka Isku-qasidda:

Ha ku qasin sun kale oo leh saliid (Oil-based insecticides).
Iska ilaali inaad u isticmaashid geedaha aadka u nugul xilliga ubaxa.
Ha ku darin wax dareere ah oo aad u Acidic ah ama Alkaline ah (Lime).

6. Khatarta Deegaanka

Inkasta oo ay tahay sun organic-ga oo la ogol yahay mararka qaar, haddana Copper-ka badan wuxuu ku haraa dhulka (Soil accumulation).

Tallaabooyinka Badbaadada:

Iska ilaali inaad si xad-dhaaf ah ugu buufisid dhulka (Drip loss).
Waa sun waxa ay dishaa kalluunka, markaa ka fogee ilaha biyaha.
Waa sun badbaado u ah shinnida (Safe to bees) markii ay qalasho.

7. Ammaanka Qofka iyo PPE

Badbaadadaada:

Xiro af-xir iyo ookiyaale maadaama budada Copper ay gaadh karto sanka iyo indhaha.
Haddii sunta ay maqaarka kaa raadho, waxay keeni kartaa cuncun.
Iska dhaq mashiinka buufinta isla marka aad dhammayso si uusan u daxalaysan.

8. Maareynta Adkeysiga (Resistance)

Mid ka mid ah faa'iidooyinka ugu waaweyn ee Copper Oxychloride waa in fangasku uusan si fudud u baran karin (Low resistance risk).

Talo:

Maadaama ay tahay sun ka hortag ah (Preventive), waa inaad buufisaa ka hor intaan cudurku dillaacin. Haddii geedku hore u bukooday, waxaa wanaagsan in lagu daro sun systemic ah oo fangaska disha (Curative fungicide).

9. Gunaanad iyo Kaydinta

Kaydinta:

Ku kaydi meel qallalan (Dry place). Haddii budadu qoyaan gaadho, way isku dhegeysaa (lumpy) awooddeeduna way daciifeysaa. baakada si fiican u xir mar kasta.

DHAMAAD

Ka hortaggu wuxuu ka raqiisan yahay daawaynta.

Diyaariye: Elmi24acedamy