HAGAHA CYPERMETHRIN 10% EC

Sunta loogu Isticmaalka Badan yahay (Broad-Spectrum)

🧪 Waa maxay Cypermethrin?

Cypermethrin waa sun ka tirsan kooxda Synthetic Pyrethroids. Waa sun aad u xooggan oo u shaqaysa habka taabashada (Contact) iyo caloosha (Stomach). Waxay caan ku tahay inay disho cayayaan aad u fara badan oo dhibaato ku haya khudaarta, badarka, iyo miraha.

1. Qaabka Shaqada (Fast Action)

Cypermethrin waxay ku dishaa cayayaanka dhowr daqiiqo gudahood marka ay taabato.

Awoodda Neerfayaasha: Waxay joojisaa Sodium channels-ka neerfaha cayayaanka, taasoo keenaysa inuu cayayaanku gariiro, curyaamo, ka dibna dhinto.

Residual Activity:

Maadaama ay si fiican ugu dhegto caleenta, waxay bixisaa difaac soconaya 7 ilaa 10 maalmood haddii uusan roob da'in, taasoo ka hortageysa in cayayaan cusub uu ku soo laabto geedka.

2. Cayayaanka lagu Dagaallamo

Sababtoo ah waa "Broad-spectrum", waxay dishaa ku dhowaad cayayaan kasta oo qaniina ama dhuuqa geedka.

Cayayaanka	Meesha lagu Buufiyo
Diirta (Caterpillars)	Dusha iyo hoosta caleenta
Ayaxa (Grasshoppers)	Dhammaan qaybaha cagaaran
Daqsi-miraha (Fruit Flies)	Miraha marka ay bilaabmaan
injirta (Aphids)	Meelaha ay isugu ururaan

3. Qiyaasta Isticmaalka (Dosage)

⚠️ Digniin: Ha isticmaalin Cypermethrin xilliga qorraxda aadka u kulul shahay (Maalinta badhtankeeda).

Qiyaasta lagu taliyo (10% EC):

Khudaarta: 20ml ilaa 30ml oo lagu qasay 20 Litir oo biyo ah.
Badarka (Galley, Haruur): 30ml ku qas 20 Litir oo biyo ah.
Geedaha Miraha: 40ml ilaa 50ml halkii 20 Litir oo biyo ah.

Talo: Si ay suntu si fiican ugu dhegto caleenta, waxaa lagu talinayaa in lagu daro 'Sticker' ama 'Spreader'.

4. PHI (Xilliga Sugitaanka)

Cypermethrin waxay leedahay xilli sugitaan oo dhexdhexaad ah. Waa in la sugo waqtiga ka hor intaan la goosan khudaarta.

Dalagga	PHI (Maalmo)
Tamaandhada / Basbaaska	3 ilaa 7 Maalmood
Kaabajka / Kauliflowrka	7 Maalmood
Galleyda / Digirta	14 Maalmood
Miraha (Liin, Cambe)	14 Maalmood

5. Isku-darka Suntada Kale

Cypermethrin waxaa badanaa loo isticmaalaa in kor loogu qaado awoodda sunta kale (Synergism).

Cypermethrin + Chlorpyrifos:

Isku-darkan wuxuu dilaa cayayaanka dusha jooga iyo kuwa jirridda ama godadka ku jira (Fumigant effect).

Cypermethrin + Profenofos:

Isku-dar aad u xooggan oo loo isticmaalo gooryaanka adag ee miraha gala (Bollworms).

6. Khatarta noolaha Biyaha ku jira.(Fish)

Aad u Khatar: Cypermethrin waa sun si weyn u disha kalluunka iyo dhammaan xayawaanka biyaha ku jira.

Badbaadada Biyaha:

Marna ha ku qubin haraaga sunta ceelasha ama agagaarka wabiyada.
Ha ku dhaqin mashiinka buufinta meel u dhow biyaha socda.
Ka taxadar in dabayshu sunta u qaado dhinaca harooyinka.

7. Ammaanka Shinnida (Bees)

Sidii dhammaan kooxda Pyrethroids, Cypermethrin waa sun disha shinnida haddii si toos ah loogu buufiyo.

Talo:

Si shinnida loo badbaadiyo, buufinta samee gelinka danbe (late evening) marka shinnidu ay ku laabato rugteeda oo geeduhu aysan lahayn firfircooni pollination ah.

8. Ammaanka Qofka iyo PPE

Cypermethrin waxay keeni kartaa cuncun iyo gubasho maqaarka ah (Paresthesia).

Qalabka loo baahan yahay:

af-xir daboolaya sanka iyo afka.
Gacmo-gashi (Rubber gloves).
Dhar adag oo daboolaya dhammaan jirka.

Haddii aad dareento dawakhaad ama matag, isla markiiba jooji buufinta oo raadso hawo nadiif ah.

9. Gunaanad iyo Kaydinta

Kaydinta:

Ku kaydi baakadeeda asalka ah meel qabow, madow, oo ka fog carruurta. Cypermethrin way gubataa (flammable), markaa ka fogee kuleylka iyo dabka.

DHAMAAD

Isticmaalka caqliyeysani ee sunta waa guusha beeraleyda.

Diyaariye: Elmi24acedamy